接着的週未，我又返到柴灣食飯。阿媽又同我講：“下個星期返黎幫我填張FORM，房屋署既”。我當然都仲係答句：“好呀”。
再接着的週未，我返到柴灣食飯。阿媽同我講：“下個星期返黎幫我填張FORM，房屋署既”。我就答佢：“不如宜家填啦”。咁阿媽就拎左呢張入息審查／申報表出黎俾我填喇。表上大致都同報稅表差不多，有地方俾每一個住客填月入既。除此之外，仲有一個列表，計算高收入住戶的限制。
我填既時候就提我阿媽話：“我宜家既收入，我地要交一倍半既租金架喇咼”。（其實，呢件事我上年已經提過。）咁阿媽就拎返張FORM，左睇右睇，睇個列表係咪有問題。我見咁情況，就同阿媽講：“不如除左我個名啦，留返係度其實都冇用。我吾會因為咁會有公屋住架咼。”我見佢冇反應，就再話：“咁仲填吾填呀？”
咁阿媽就話：“你等我諗吓，下個星期返黎先填啦。”我有D冇引既同時，走之前就再問：“其實你有咩要考慮呢？我留住個名，吾代表我會返黎住架咼。”阿媽冇理我。我再話：“如果我要走左去，你留住我個名都係冇用架咼。”
我見阿媽冇咩引，我就問佢：“咁果時點解你俾阿哥除左個名丫？”
咁阿媽就話：“係房屋署要佢地除左個名既，佢結婚嘛。”
我話：“有D咁既事？”“你加埋阿哥阿嫂個名入黎添丫（笨）”
咁就係呢個我同阿媽咁典型既爭吵之中，我居然爆出一句咁既說話：“其實冇野值得你擔心，你除左我個名個個月慳返幾百蚊又好，你要KEEP住個名又好，多左果幾百蚊我俾都好，我都咁支持你架。”“但係間屋個名係你架嘛，你想點你話事啦。”
我見阿媽個樣GUR哂，就再話：“咁你諗諗啦，下個星期返黎，你話我知你想點啦。”
