後遺症?

在新project做testing, 都有半年既時間. 在過去既五年, 我未試過真真正正咁做過testing既角色. 反而, 有幾個兄弟就做過好一排. 我諗佢地過去做testing既經歷, 一定係好痛苦. 佢地每一個都堅決吾肯再做testing, 好感激jason, 感激你對我既信任, 我吾會令到testing要不停ot架喇. 我想阻止痛苦既歷史重演.

宜家, project既壓力又好大, 我又變得好緊張. 在忙碌既日子, 時間飛逝, 每每一停下來就發現, 這一個氣味, 很熟悉........ 很害怕. 畢竟, 上一次的痛, 就是這樣的味道.

執著

今日, 遲左d收工. 走既時候, 棒球課已經結束. 為着成日放朋友飛機, 心裡面都有一點不好意思.

但, 我諗我係鍾意呢一個工作環境, 我係鍾意做project.

做project, 對我黎講, 好處係做project多問題. 從好方面諗, 我鍾意解決問題, 更鍾意改善環境.

但, 同時我做事好有自己一套. 我對一件事的做法, 好有執著, 呢一份執著, 幫倒我完成好多事情. 希望都改善兄弟們既生活.

呢一份執著, 亦令我失去好多. 失去左同阿媽既溝通, 失去左同同事既友情, 亦失去左一段感情. 真係幾時先好似蘇good咁講, 鬧你氹你, 任佢(我)執位.

記憶與觀察

記得其中一位莊友, 有一次失戀, 佢在msn話, "自己記憶力很差, 一覺醒來, 什麼都記不起來". 從此, 我就很羡慕記憶力差的人. 自問, 我要去忘記一些時情, 也比較困難. 這樣, 真的很不幸, 對嗎, b倫?

但, 我想我比你幸運, 就是我的視力比你差得多呢. lucky lucky.

老地方,老感覺

遊舊地方, 會舊人物, 受舊壓力, 拾舊情勢, 獲舊結果?

我還受得了再一次打擊嗎?

有必要面對嗎? 有必要解心結嗎?

媽媽的思維

私家廚師

- 是日晚餐 -
＊＊＊
烈酒煮蜆
＊＊＊
白灼西蘭花
＊＊＊
鮮蝦扁意粉
＊＊＊

費用全免

綠茶可樂

早排食完lunch去citysuper行吓既時候, 見倒呢支德國出既"綠茶可樂". 好似好勁咁, 即刻買黎試吓啦. 一啖飲落呢支偉大既發明, ..... 同可樂一樣味.
正當我失望咁諗住飲埋佢既時候, 居然......俾我飲倒綠茶味......... 上半支係可樂味, 下半支係綠茶味.......... 其實, 呢支"綠茶可樂"係咪要"old暈"左先飲架......大佬.

雀舞名花

今年夏天, 天氣特別熱, 熱得我們經常大汗疊細汗. 昨天, 星期六, 與友人淺游太平山頂, 出門時都在家附近買了一把紙扇, 希望可以抵擋熱浪.
自此一連數天, 我都總是扇不離手. 不論是在等巴士, 行商場, 食漢堡, 都總是悠閒地慢慢地在撥着. 清風送爽, 心情愉快. 不停的撥着, 撥着, 久存的煩惱也像被同時撥散了似的. 你也樂意幫我一起撥嗎?

先輩, 保重!

剛剛聽到一位同事, 身體出了問題. 好像是心理上出了問題, 是掉進了痛苦的旋渦了吧. 前輩, 保重呀!! 吾好輸呀!!
我都剛從呢一個旋渦走出來, 我想痛苦是忘記不了的. 但, 現在我很開心呢. 很多謝很多謝每一位朋友, 有你們, 真是太好了.

張師奶??

今日好早就收工, 諗住早d返去休息一下. 返到去就煮左個烏冬黎食啦. 食完見時間尚早, 我竟然落左惠康.......行街.
咁都不特止, 我去到仲買左對膠手套, 返到屋企......我就開始拖地.........之後, 就沖涼啦.
沖完涼, 之後, 我仲開始睇起電視上黎.......

噢, 點解我會變成咁架? 呢個吾係我黎既.

手牽手

近來, 婆婆既病情都穩定落黎, 亦都搬左去東華東院, 下個星期仲會出院. 婆婆宜家係右手比較差一d, 同埋講野吾太講倒. 越係講吾倒, 婆婆就越係懶講. 希望大舅母黎左陪佢, 佢會多d同人傾計啦. 傾多d會好得快d架婆婆.
去到醫院探婆婆既時候, 多數都會同佢手牽着手. 雖然, 佢吾可以好好咁表達自己, 但係, 我地手牽着手, 的確很能讓大家去感受一下大家既感情. 除此以外, 我會同婆婆分享我既開心事啦, 等婆婆可以同我一齊開心啦.
其實, 我真係好鍾意同妳手牽手的, 果一份由心發出既溫暖, 希望妳都會鍾意啦. 我亦十分鍾意那數十秒既暫停, 那一刻既考慮, 一刻既猶疑, 一刻既冷靜, 一刻既決心, 會令我們握得更緊嗎?

七月二十七日,旅立.

七月二十七日, 我踏上了另一次的旅程, 二個人的旅程. 雖然事前有很多的考慮, 很多的計劃, 但, 起程, 都總是叫人無法推測的. 是嗎?

吾, 是無有預計的, 但一點也沒有擔心, 事實我對於我們是滿有信心的. 魚乾ちゃん, よろしくね.

我與老豆

對我本人黎講, 我真係十分鍾意上次一家人返大陸呢一張相. 呢張相係我暫時見過(除左佢對住佢個孫), 老豆笑得最開心既一張相. 我諗果一刻, 我同老豆都打從心底裡面開心出黎. 吾..... 老豆係果隻, 一路都默默係一旁守護住我地既既慈父. 其實, 感情呢樣野, 真係幾特別. 我記得之前有一次, 我阿哥同我講, "我頭果二十年, 可能同老豆講過既說話, 一年都冇三句". 吾...... 我諗我比佢在家既時候, 多十年, 事實....一年既說話都一定有六句, 不過冇十句.
佢再講, "不過宜家好左喇, 老豆都多野講左, 不過我覺得都係你(即係我)同老豆d感情好d, 佢對我都好好, 不過都好似差d野." 吾..... 我諗我比佢在家既時候, 多十年, 事實......呢十年.....真係好難捱, 我吾可以話呢十年, 我地係相依為命, 咁講對我阿媽吾公平 (佢都係好好既母親). 但係, 我諗呢十年都令我或多或少出左d性格既問題.
無疑, 慢慢地, 慢慢地, 我同老豆的確浸出一份好深厚既感情, 我想的確冇一個親人可以代替. 好多時候, 我同阿媽既問題都係出於, 我病態地維護老豆. 我吾太容許人地話佢半句...... 呢一點, 我係知道既.

吾, 有趣既係. 當晚我同阿哥吹水吹足一晚既時候, 佢其中一個話題就係咁講. "我覺得你地之前既問題就係感情發展得太快喇, 冇左一個根基, 以後你要記住咩感情都好, 要慢d去培養好個根基". 吾, 二十幾年培養出黎既根基, 真係好堅. 其實, 我都感受緊呢點, 宜家都覺得對吾同人吾同事物, 所有感情/或者感覺 慢慢地浸, 浸出黎都好有味道.

發脾氣 != 緊張

好耐未試過工作上發脾氣喇, 今日都吾知咩事. 可能同同事傾左成個下午都係俾人帶住遊花園啦, 明明一件小事, 都搞咁耐, 自然吾高興. 但係我都吾知點解要發脾氣, 明明覺得自己長大左老左. 但係原來都仲係未control倒自己, 唉.

張生, 諗諗計, 明明同自己話左, 着緊可以緊張, 但係吾使發脾氣. 既然都見倒自己未做到合格, 做好自己先把啦.

罐頭魚

今日同個朋友傾開, 佢話佢吾再教琴喇. (佢係八級琴, 得閒教琴搵外快) 我問佢點解, 佢話返工冇咩時間練, 自己都差哂, 又攰啦. 我話係啦, 放工有時間諗吓點享受生活好過啦. 跟住佢就咁講, "係啦, 我都係咁話. 如果我好似你咁高收入, 我都真係諗吓點享受生活." (我心諗, 大佬好似你有錢過我咼)

我喺度先澄清, 我絶對吾係高收入. 如果以為我出黎住就係高收入既, 你地錯喇, 我係使哂d錢啫. 再者, 邊個話享受, 一定要好多錢. 我地又再講,
我: "其實, 享受其實好多時都係心態, 而吾係所用既物質啦."
佢: "咁又係咼, 不過你知我d性格啦, 咩都要靚野, 貴野."
我: "咁有時, 平野都可以好好架. 個重點都係喺心態度, 貴野就一定用得開心架咩."
佢: "咁我都覺, 但係有時好難control既."
我: "有時都難架, 好似我咁我都鍾意靚野架, 貴野架. 貴野吾一定好, 同樣地貴野都吾一定吾好. 其實有時享受係你有時間有自由去選擇一d鍾意既野囉. "
佢: "吾, 好啦. 吾講住"

有時就係咁架啦, 個個都話食蒸魚先係識食魚. 吾, 我諗我就鍾意食老麥魚柳包多d喇. 好似呢排, 我覺得罐頭魚都幾好丫, 罐頭魚都不知幾可愛.

吾好噪喇

今日放工過左去探婆婆, 呢兩日似乎穩定左一d. 雖然婆婆都吾係太講倒野, 但係今日已經冇咁攰, 清醒返好多. 由於我有四個舅父加個阿姨, 所以每一日見倒既舅父都吾同. 黎到既時候三舅父岩岩走, 仲有細舅父係度. 細舅父係一個好聰明既人, 佢宜家喺上海做野, 話可能遲d會接婆婆上去休養咼...
好似之前咁講啦, 屋企有人有事個個都吾自在. 不過, 今日就最吾自在. 今日, 吾同既舅父同舅母又話邊個點點點, 都冇好好照顧阿媽, 又咩掛住d仔女. 吾,..... 基本上, 吾同人有吾同既環境, 吾好話邊個d咩喇.... 好似細舅父咁講, 大家認真諗吓點照顧婆婆把啦.... 吾好噪喇....
探完之後返屋企食飯, 當我仲諗緊點扮吾知既時候. 原來, 咁岩我阿媽去左探婆婆, 咁我就放低左澳門既手信, 跟住食飯.....食完飯, 就走咯...... 真係有口話人冇口話自己 :p

睹物思人

早兩日, 有個美國讀博士既傻仔返左黎, 仲帶埋個老婆返黎. 加埋另外一對, 五個人係銅鑼灣金羅寶食飯. 間野都ok啦, 由於都吾係好耐之前見過面. 都未至於要不停訴說當年, 哈哈.

呢位博士今次戴左一隻錶返黎, 呢隻錶就勁喇. 佢係我當年(八年前倒), 阿哥仔正要去美國讀書既時候, 我用哂我成副身家買俾佢留念架. 當時, 首先, 我諗我年紀仲細, 哈哈. 其次, 我諗我好吾捨得呢個朋友. 最後, 我諗我想買一樣野, 又實用, 又可以用好多年既野俾佢, 等佢可以"睹物思人".

宜家諗返轉頭, 都真係毛管都動呀. 我根本吾相信我會做d咁既野. 我咁有感情架咩, 我一直以為我吾會相信睹物思人呢d野, .... well. 見返呢隻錶之後(其實上次見返個friend都記起呢隻錶), 我都開始留意自己身上, 別人送既野. 吾.....原來都有好多, 大部份都好貼心, 好多謝送佢地俾我既所有朋友. 搞到呢排, (比平時多), 成日望住d錶呀, 手錬呀, 鞋呀, 銀包呀.....人地實以為我痴痴地 :p

急轉直下

今日遲左少少去到探婆婆, 去到既時候婆婆訓緊覺. 同二舅父吹左兩句之後, 三舅父話婆婆今日差左少少. 大半個小時間, 婆婆都冇醒過, 我握住佢隻手, 亦都沒有了反應..... 再詳細問過三舅父同一個護士, 佢地話婆婆琴晚三點既時後, 情況變差. 醫生同打左薄血針, 都做左素描, 見吾倒有咩. 要等再做其他檢查, 睇吓點解會差左. 醫生都話有可能會繼續差落去, ..... 聽到後, 當然心裏面沈一沈. 正當我都想喊既時候, 已經見倒阿姨喊緊喇. 我當然即刻去安慰佢叫佢吾好擔心. 大家逗留一段時間之後就離開, .... 婆婆你要加油呀, 快d好返, 大家都好需要你架.

撈亂骨頭?

今日放工去左探婆婆, 去到時候見倒三舅母. 佢係一個蒲開既女士, 幾型. 佢岩岩煲左湯俾婆婆飲, 佢話佢係第一次煲湯. 但係可能個湯壼有d問題, 佢倒到身都有. 見倒佢都幾辛苦, 婆婆當然開心啦. 之後, 三舅父就黎到, 咁岩護士要幫病人換片, 我地就出一出去. 三舅父好擔心婆婆, 我阿公死左四十年喇, 一家六個細路都係婆婆一手養大. 我都係婆婆湊大, 好多野都係呢個咁精叻既老人家教我. 呢個時候, 我感覺倒一樣野, 就係三舅父真係好緊張, 緊張都好正常. 但係, 佢既緊張, 俾左三舅母好大壓力........佢既所有舉動, 都有d就住就住. 吾, 屋企一個成員有事, 全家都好大壓力...... 呢d壓力, 真係好難控制, 但係又好無謂..... 我都要開心d, 婆婆都好怕自己煩倒大家......
之後, 我阿姨黎左. 我阿姨係一個五十歲倒, 冇結婚, 一隻腳行路吾方便, 精神有少少問題既人. 我細個既時候, 阿姨對我好好, 雖然未必溝通倒, 但我都好多謝佢. 但係, 我婆婆除左擔心佢之外, 好多時都吾太鍾意佢. 吾, 我阿姨有時d脾氣都係幾差既. 佢一出現, 我阿婆即時變得好似周身吾自在, 有少少煩躁.....吾.....可能真係天意. 一個咁和藹, 咁caring既老人家, 會對自己個女咁冇耐性....... 我即刻諗起我同我阿媽似乎都係天生撈亂骨頭, 佢一出現我即時會全身吾自在........點解會咁既呢............

婆婆中風了

琴日收到哥哥既電話, 佢話俾我知婆婆有輕微既中風入左醫院. 當時我正在老家食飯, 佢叫我吾使擔心, 情況吾太嚴重. 同埋叫我吾好話俾阿媽聽, 費事佢擔心. 聽到呢個消息, 真係好吾開心, 好擔心. 除左因為婆婆都真係年事已高, 我亦都好關心婆婆. 畢竟, 佢都係親手帶大我既親人, 佢對我真係太好喇.

今日收工, 第一時間搭車過去東區醫院. 知道婆婆留醫係十樓既腦科病房, 問過護士後, 找到婆婆的病床. 當時, 我哥哥, 三舅父舅母都在. 見到婆婆的時候, 佢喺床上面休息, 看似是很攰的樣子. 我走埋去握住佢隻手, 佢相應地也握緊我的手, 聽到她回應我的簡單慰問時, 我心裏面也才鬆了一口氣. 似乎, 真的不算是很嚴重. 後來問返哥哥先知道係因為我婆婆夠"醒目", 中風之後識得即刻打電話叫白車, 及時送左自己入醫院, 先至冇令到情況變得嚴重. 婆婆, 你好叻呀!!

吾, 早一排先話去婆婆屋企學整蔥油餅, 一直都冇真正去定時間. 轉眼間, 機會就沒有再等我了. 原來, 時間真係吾會等人, 果d咩"得閒飲茶", "遲d一齊去旅行", "下次帶你去食"...諗得到既, 就好做喇. 希望每年都可以同阿爸阿媽去吓旅行啦.......

六月二十九日 充實的一天

今日係我地既任同學大婚既日子, 周圍都是愉快的氣味, 很好. 我地既任同學, 十個風趣, 婚禮後的一編謝詞, 令到全場數百人都笑個不停. 任生! 你好掂呀! 另一方面, 吾開心既朋友, 很為你擔心, 但我想我是不能為你做到什麼的吧. 請保重!!
婚禮過後大伙兒小休片刻後, 就去到酒樓參加婚宴. 令我心裏一直忐忑不安的晚宴, 終於黎到. 結果都係, 飲杯, 食野, 影相. 一晚就在不停的自拍中過去. 我還是帶著我的手信, 原封不動的, 帶回家. 心中不禁一份悲傷, 但這一次的回程, 沒有了平日的淚眼. 我心裏只想起日間, 證婚人那很長很長的致詞中的一句, "你們要學懂接受彼此的不一樣, 並欣賞大家的不一樣......". 是我不懂得欣賞大家的不一樣, 還是你不懂得欣賞大家的不一樣呢? 還是大家都不懂得呢? 事情為何會是這樣的呢? 真是討厭呢, 真不想再面對.

另外再另外, 劉小姐, 你真係好靚呀!! 直情係正!

大男人小女孩

今日放工搭巴士返屋企既時候, 一路聽歌一路睇roadshow. 相信大家都有睇過"手機十大音樂排行榜", 主持人會以爛到吾爛既爛gag去介紹每一首上榜歌曲. 今次佢地主題係教各位女仕如何去選擇男人, 咁介紹到第五位既歌既時候, 主持人就咁講喇.
"其實我覺得大家最好係搵一個大男人. 吓?大男人都叫好? 緊係啦, 所謂大男人, 就係對大事肯承擔肯負責既好男人喇. 就好似以下落黎介紹第五位陳小春既 '好男人' 咁樣....." 我聽完真係呆左, 十個爛!!
吾....大男人......不禁又令我諗起呢一首不停係腦重播既歌


大男人小女孩
詞曲： 林俊傑

不是我的錯 我們都聽過
完美的時候 要更多吵架時又說得太多
有時候的我 真想和你一樣沉默
不想當那囉囉唆唆 水也滅不掉的火

也許大男人 真的很難忍少了點風度 還是不承認
有時候錯的 並不知道錯了不想藉口 只是直接一點說
有時候女孩 沒那麼小孩心裡的無奈 只需要點關懷
遺憾的 已都變成勉強了
怎麼能 重新再來

不是我的錯 我們都聽過
完美的時候 要更多吵架時又說得太多
有時候的我 真想和你一樣沉默
不想當那囉囉唆唆 水也滅不掉的火

也許大男人 真的很難忍
少了點風度 還是不承認
有時候錯的 並不知道錯了不想藉口 只是直接一點說
有時候女孩 沒那麼小孩心裡的無奈 只需要點關懷
遺憾的 已都變成勉強了
怎麼能 重新再來

也許大男人 沒那麼男人
少了點風度 還是不承認
有時候錯的 並不知道錯了不想藉口 只是直接一點說
有時候女孩 沒那麼小孩心裡的無奈 只需要點關懷
遺憾的 已都變成勉強了
怎麼能 重新再來

第一碟飯

好多謝一班莊友送俾我既樂聲牌電飯煲, 為左測試呢個飯煲. 於是今日我煲左我生平, 第一碟自己煲俾自己一個人食既飯喇.

吾.....d飯真係好好食呀. 吾好問我個咖哩點整, 總之d飯,真係好好食.

我會努力學藝去答謝呢一班捐贈者架喇, 大家睇住黎啦.

吾係干物男

早排有個老友既女朋友生日咼,咁就話今日係干物女生日. 我第一次聽干物女呢個term, 於是就wiki一下啦. 呢度講左句summary "基本上指25岁到30多岁的因为怕麻烦而放弃恋爱的女性", 仲列左一d特質. well, 睇完之後, 有兩個感覺.
第一, 其實干物女都幾可愛丫, 我覺得好正咼. 大家有冇識一d干物女呀, 介紹下俾我識丫.
第二, 我會吾會其實都係干物男呢, 咁我又google一下, 佢地有果d特征......我有 1, 5, 8, 9, 10, 11, 14. 咁我又係吾係干物男呢.

Depressed...

facebook既出現真係好偉大,除左因為佢全世界都知道我既事(吾使我一一交代). 佢仲可以幫你話俾大家知你個mood, 真方便. 不過我就對呢個application冇咩興趣, 我驚我個個鐘update都吾掂.
但係都因為呢個application, 我知道你真的不太開心, 雖然吾知你點解吾開心, 不過希望你可以輕鬆面對, 快d開心返. 你係我識既人當中, 最cheerful 笑得最好睇既人, 吾開心一陣就好喇.